Miss Darlong Youth festival 2020
DARLONG POETRY
KI HMELMA LIAN CHEM ZOLIANKHUMA, LAMKHUANG KHAWTHAR, 1992 Ki hmelma lian chu ‘Votthawhlaw’. Ki hmu chun ke ṭi ke raw, Ni kai ati ken lai dawr dawr. Ani kai chun ki awng vawr vawr. Ane zong a ban huai huai, Kei chunle ki rot duai duai. Kachun a hongin ka dȇk dȗk A hmu hmu a kai zȇk zȗk. Ki enle aboi a lu; A changa an ring chai ke hmu. Ki zuk themle an nal zȇr zȗr, Ki kuta an loi kop mȇr mȗr. A pai ṭhul chunle ân tak, Ei pai nole om ân tak. Ke ṭi hrim hrim anen ṭhlip, Ki ngaitua’n ki pang a hip. Ki zuk enin an ṭial rȇk rȗk, Mang ka chun ȃn vȃk zȇk zȗk. Ei zuk en chun tawi tawika, Anin zang chun kawi kawi ka. Ki ngaitua in ȃn mak thlak, An om dȃn hrim a rȃpthlȃk. Tu nȃi mo a ṭi loi ding? An om dȃn reng a lunginzing. HUNHLȖI NIH NUNTHȂR ...
Comments
Post a Comment