Pu Zomuan

 

ZOMUANA

Vȃn zaduai nikhua pial lama,

Sa tinrêng omkhua lê lama;

Pialrȃl i tawk Vȃntong Lui kama.

Zamual romei aser i chok,

Vȃrṭian khodang hunhȃi i fok;

Rial zȃi rêlin chûnkhua i mok.

Senû Sepȃ khua-nû chuanin,

Hrȃng khua tuilȃi ngȋrchung chuȃnin;

I vun nuhmei bȃ sam chuanin.

Thiamnȃ ṭlingnȃ nei hman no lȃ,

Hnawngloi ki zȃi inpȃk ‘Thiam Hlȃ’;

Pun sêchiar kȃi ṭhianrual ki tȃ,

Nang Zomuan.

Khohring khochȃr ki pial kuangkuang,

Chel chuangloiin ki pêl ki khuang;

Sipui ngên raw ki ruakrikuang

Lenrual ṭhapawl ngaibȃng a zuang,

Nang Zomuan

Thlȃṭlam ngȃn naw ro ê....

Nang Zomuan.

Dr. Benjamina Darlong, Saibual, 11^th Thlaphir 2023,
Dedicated to Pu Zomuana Darlong, CYDA Ex-President
For his service towards the community (20 years of unprecedented YDA Presidentship)